తొలిసారి వశిష్ట పాత్రలో సందడి చేయునున్న దర్శకేంద్రుడు

దర్శకేంద్రుడు రాఘవేంద్రరావు గారు దర్శకత్వంలో ఎన్నో గొప్ప చిత్రాలు తెరకెక్కి బ్లాక్ బస్టర్ హిట్టయిన సంగతి తెలిసిందే ఇప్పుడు తెలుగు తెర మీద ఎక్కువ సేపు తన నటనతో సందడి చేయనున్నారు. హీరో శ్రీకాంత్ తనయుడు రోషన్ హీరోగా తెరకెక్కుతున్న పెళ్ళి సందడి చిత్రంలో ముఖ్యమైన వశిష్ట పాత్రలో కనిపిస్తున్నారు దర్శకేంద్రుడు రాఘవేంద్రరావు గారు.సినిమాలో తొలిసారిగా రాఘవేంద్రరావు తెరముందుకు వస్తున్నారు. పైగా ఇందులో ఓ కీలక పాత్రలో నటిస్తున్నారు. ఇక ఈ విషయాన్ని సోషల్ మీడియా వేదికగా ఓ వీడియో విడుదల చేస్తూ ప్రకటించారు.తనకి ఇష్టమైన మెగాస్టార్ చిరంజీవి గారు పవన్ కళ్యాణ్ గారు అలాగే రాజమౌళి గారికి ప్రత్యేక కృతజ్ఞతలు తెలుపుతూ సోషల్ మీడియా ట్విట్టర్లో పోస్ట్ పెట్టారు. ఇక ఆ వీడియోలో వశిష్ట అనే పేరుతో వస్తున్నట్లు తెలుస్తోంది. ఈ చిత్రానికి కీరవాణి సంగీతాన్ని అందించగా గౌరీ రోనంకి ఈ సినిమాతో దర్శకుడిగా పరిచయం అవుతున్నాడు. మాధవి కోవెలమూడి, శోభు యార్లగడ్డ, ప్రసాద్ దేవినేని నిర్మాతలుగా చేస్తున్నారు.