మహేష్ నమ్రతా శిరోద్కర్ కి పెళ్లి రోజు శుభాకాంక్షలు వెల్లువ

ఈ రోజు టాలివుడ్ సూపర్ స్టార్ మహేష్ బాబు నమ్రతా శిరోద్కర్ ల పెళ్లి రోజు సోషల్ మీడియాలో వారిద్దరికీ శుభాకాంక్షలు తెలియజేస్తున్నారు ఆయన అభిమానులు. సౌత్ చిత్ర పరిశ్రమలో అత్యంత ప్రియమైన దంపతులు వీరు అనడంలో ఎటువంటి అతిశయోక్తి లేదు. వీరికి ఇద్దరు పిల్లలు కుమారుడు గౌతమ్ మరియు కుమార్తె సీతారా. మహేష్ అలాగే నమ్రత 2000 లో తమ చిత్రం వంశీ సెట్స్‌లో కలుసుకుని ప్రేమలో పడ్డారు. ఐదేళ్ల తరువాత, ఈ జంట 2005 లో పెళ్లి చేసుకున్నారు. ఈ రోజు తో వారు 16 వ వివాహ వార్షికోత్సవాన్ని జరుపుకుంటున్నారు.

ప్రస్తుతం మహేష్ నటిస్తోన్న లేటెస్ట్‌ చిత్రం సర్కారు వారి పాట మీద భారీ అంచనాలే నెలకొన్నాయి.కీర్తి సురేష్ హీరోయిన్‌గా నటిస్తున్న ఈ సినిమాకు థమన్ సంగీతం అందిస్తున్నాడు. 14 రీల్స్ ఎంటర్‌టైన్మెంట్స్, మైత్రి మూవీ మేకర్స్, జిఎంబి ఎంటర్‌టైన్మెంట్స్ సంయుక్తంగా ఈ సినిమాను నిర్మిస్తున్నాయి.