జోంబీ రెడ్డి బ్లాక్ బస్టర్ హిట్ తరువాత దర్శకుడు ప్రశాంత్ వర్మ హను-మ్యాన్ పేరుతో మరో కొత్త చిత్రానికి శ్రీకారం చుట్టారు. ఈ ఉదయం ప్రశాంత్ పుట్టినరోజు సందర్భంగా ఈ ప్రాజెక్టుకు సంబంధించి అధికారిక ప్రకటన చేశారు. మొట్ట మొదటి సారిగా తెలుగులో వస్తున్న సూపర్ హీరో సినిమా ఇదే కావడం గమనార్హం. విశ్వంలో హను-మ్యాన్ మొదటిది కానుంది. ఈ చిత్రం బృందం తమ ప్రాజెక్ట్ను మొదటి ఒరిజినల్ ఇండియన్ సూపర్ హీరో చిత్రంగా ప్రచారం చేస్తున్నారు. భారతీయ పురాణాల నుండి ప్రేరణ పొందిన హను-మ్యాన్ యాక్షన్ డ్రామా చిత్రంగా హీరో ఎలివేషన్లతో నిండి ఉంఉంటుంది అని తెలుస్తుంది. హనుమంతుడిని భారతీయులు సూపర్ హీరోగా భావిస్తారు. ఈ చిత్రం హిమాలయా ప్రదేశాలలో చిత్రీకరించబడుతుంది ప్రేక్షకులకు ఉత్తేజకరమైన అనుభవాన్ని అందిస్తుంది ఈ చిత్రం అని తెలుస్తుంది. ఇంకా ఈ చిత్రంలో నటించే నటి నటులు సిబ్బంది గురించి మరిన్ని వివరాలు త్వరలో తెలుస్తాయి. ప్రశాంత్ వర్మ కి పుట్టిన రోజు శుభాకాంక్షలు తెలుపుతూ ఈ చిత్రం మరో బ్లాక్ బస్టర్ హిట్ అవ్వాలని కోరుకుందాం.
