ప్రభాస్ పుట్టిన రోజుకి రాధే శ్యామ్ నుంచి టీజర్ రావచ్చా?

స్టార్ హీరో ప్రభాస్ పుట్టిన రోజుకి ఇంకా రెండు వారాలు మాత్రమే ఉన్న విషయం తెలిసిందే. అయితే ఇప్పటికే ఇటలీలో రాధే శ్యామ్ షూటింగ్ ప్రారంభించింది, హీరోయిన్ పూజా హెగ్డే కూడా కొన్ని ముఖ్యమైన సన్నివేశాల కోసం ఈ చిత్ర బృందంతో చేరనున్నారు.
ఈ నెల 23 న ప్రభాస్ పుట్టినరోజు సంధర్భంగా రాధే శ్యామ్ చిత్రం నుంచి టీజర్ ను విడుదల చేస్తారు అనే ఊహాగానాలు వినిపిస్తున్నాయి. ఈ చిత్రం యొక్క టీజర్‌ను విడుదల చేయడానికి మేకర్స్ పూర్తి ప్రణాళికలో ఉన్నారని సమాచారం. లాక్ డౌన్ కారణంగా ఈ చిత్రం షూటింగ్ ఆలస్యం కారణంగా అభిమానులను ఆనందపరిచేందుకు ఏదైనా రూపంలో టీజర్ ప్రోమో ను విడుదల చేయాలని చిత్ర బృందం భావిస్తుంది అని సమాచారం.యువి క్రియేషన్స్ టీ సిరీస్ సంయుక్తంగా నిర్మిస్తోన్న ఈ చిత్రానికి రాధా కృష్ణ దర్శకత్వం వహిస్తున్నారు వచ్చే ఏడాది విడుదల కానుంది.