బ్లాక్ బస్టర్ హిట్ సొంతం చేసుకున్న వకీల్ సాబ్ చిత్రం

పవర్ స్టార్ పవన్ కల్యాణ్ మూడున్నరఏళ్ల సుదీర్ఘ విరామం తర్వాత తెలుగు తెరపైకి వచ్చిన చిత్రం వకీల్ సాబ్. ఈ రోజు ప్రపంచ వ్యాప్తంగా విడుదలైన వకీల్ సాబ్ చిత్రం బ్లాక్ బస్టర్ హిట్టయ్యింది అనడంలో ఎటువంటి అతిశయోక్తి లేదు. ఈ సినిమా భారీ విజయాన్ని సొంతం చేసుకోవటంతో పవన్ అభిమానుల్లో ఉత్సాహం మరింత పెరిగింది. ఈ చిత్రం కథ, కథనాలు దాదాపు అందరికి తెలిసినప్పటికీ పవన్ కల్యాణ్ నటనతో మరో స్థాయికి తీసుకువెళ్ళారు. ప్రముఖ తెలుగు మూవీ వెబ్ సైట్లు రివ్యూస్ కూడా 3 రేటింగ్ మించి ఇవ్వడం ఈ సినిమా భారీ కలెక్షన్లు వసూలు చేస్తోంది అనడంలో ఎటువంటి అతిశయోక్తి లేదు. కలెక్షన్స్ పరంగా మ్యాజిక్ ఫిగర్ వస్తోంది తెలుస్తోంది. సోషల్ మీడియాలో ఈ సినిమా పై పాజిటివ్ రెస్పాన్స్ వస్తోంది. ఇప్పటికే టాలీవుడ్ సినీ ప్రముఖులు ఈ సినిమాపై ట్వీట్ల వర్షం కురిపిస్తున్నారు. పవర్ స్టార్ పవన్ కళ్యాణ్ దిల్ రాజు కాంబినేషన్ లో వచ్చిన ఈ చిత్రం తెలుగు సినిమా చరిత్రలో ఒక మంచి చిత్రంగా నిలిచిపోతుంది.