తెలుగు బిగ్ బాస్ ఫేమ్ దివి కి వరుస అవకాశాలు వస్తున్నాయి బిగ్ బాస్ తెలుగు 4 లో పోటీదారులలో ఆమె ఒకరు. బిగ్ బాస్ హౌస్ నుంచి బయటకు వచ్చినప్పటి నుండి, దివి టాలీవుడ్ చిత్రనిర్మాతల నుండి అద్భుతమైన ఆఫర్లు వస్తున్నాయి. ఈ నటి ప్రస్తుతం 3 ప్రాజెక్టులతో బిజీగా ఉంది. ఇంకా పేరు పెట్టని యూత్‌ఫుల్ ఎంటర్టైనర్ కోసం దివి గోవాలో షూటింగ్‌లో ఉన్నారు. ఇంకొకటి కాన్సెప్ట్ ఫిల్మ్స్ ప్రొడక్షన్స్ బ్యానర్లో నిర్మిస్తున్న తన కొత్త చిత్రం షూట్ కిక్-స్టార్ట్ అవుతుంది. అలాగే త్వరలో దివి రొమాంటిక్ ఎంటర్టైనర్ లాంబసింగి బృందంలో చేరనున్నారు. ఈ 3 సినిమాలతో పాటు, త్వరలో ప్రకటించబోయే మరికొన్ని ప్రాజెక్టులను కూడా దివి చేయబోతుంది. బిగ్ బాస్ షోలో మెగాస్టార్ చిరంజీవి గారు దివికి మెహర్ రమేష్ దర్శకత్వంలో తెరకెక్కుతున్న చిత్రంలో తనకి ప్రత్యేక పాత్ర ఉంటుందని చెప్పిన విషయం తెలిసిందే. దీని బట్టి బిగ్ బాస్ షో వల్ల దివికి అంతా మంచే జరిగింది.
దివి బిగ్ బాస్ కి ముందు దోబూచులాట’, ‘క్యాబ్ కహాని’, ‘లవ్ యు మధు’ వంటి వెబ్‌ సిరీస్‌లలో కనిపించింది. అలాగే, ‘మహర్షి’, ‘ఎ1 ఎక్స్‌ప్రెస్’, ‘నయీం డైరీస్’ వంటి పలు చిత్రాల్లో నటించింది.